Алматы әуежайы қолайсыздықтар туралы ескертті

17 маусымда Алматы әуежайы жолаушыларды жөнелтуге және қарсы алуға ескерту жасады, деп хабарлайды Zakon.kz.

Алматы халықаралық әуежайы аумағында автотұрақ орындарын көбейту мақсатында жөндеу-құрылыс жұмыстары жүргізілуіне байлайнысты автотұрақтар кезең-кезеңімен жабылады.

"Жолаушыларға Оңтүстік автотұрақты (кіру Ахметов көшесінен) пайдалануды ұсынамыз. Сондай-ақ әуежайға келуіңізді алдын ала жоспарлауыңызды сұраймыз. Аталмыш жұмыстарды 2024 жылдың қыркүйек айына дейін аяқтау көзделеді. Уақытша қолайсыздықтар үшін кешірім сұраймыз", - деп жазылған ресми ақпаратта.

13 маусымнан бастап барлық халықаралық рейстер 1 маусымда ашылған жаңа Алматы терминалына келе бастады. Жаңа әуежай терминалының құрылысы 2021 жылдың мамыр айында басталды.