Павлодар облысында көлікке оқ атқан адам іздестіріліп жатыр

Павлодар облысында бейтаныс адам көлікке оқ атқан, полиция күдіктіні іздеуге кірісті, деп хабарлайды Zakon.kz pavlodarnews.kz-ке сілтеме жасап.

Облыс орталығында жеке тұрғын үй секторында көше бойымен келе жатқан көліктен бейтаныс бір адам бөтен көлікке оқ атқан сәті видеоға түсіп, әлеуметтік желіде жарияланды. Облыстық полиция департаменті баспасөз қызметінде бұл жағдайға қатысты түсінік берді.

"Аталған факті  солтүстік полиция бөлімінде тіркелді. Белгісіз адам пневматикалық қарудан автокөлікке оқ атқаны анықталды", - деп хабарлады полиция.

Полиция осы фактіге қатысы бар адамдарды анықтау бойынша жедел іздестіру іс-шараларын жүргізіп жатыр.