Астанада Сығанақ пен Түркістан көшелерінің қилысы бір тәулікке жабылады

Елордада Сығанақ пен Түркістан көшелерінің қилысы уақытша жабылады. Бұл жол төсеміне жөндеу жұмыстар жүргізілуіне байланысты қабылданған шара, деп хабарлайды Zakon.kz.

Астана қаласы Көлік және жол-көлік инфрақұрылымын дамыту басқармасы аталған жол учаскесінде жол төсеміне жөндеу жұмыстарын жүргізеді. 

"Осыған байланысты 26 маусым күні сағат 20:00-ден 27 маусым сағат 20:00-ге дейін жоғарыда аталған қиылыс толығымен жабық болады", делінген әкімдік хабарламасында.

Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлау сұралады.