Атырау облысында 16 адамды қарақұрт шаққан

Сурет: pixabay

Атырау облысында қарақұрт қаптап барады. Осы уақытқа дейін 16 адам зардап шеккен.

Жағдайы нашарлап, жансақтау бөліміне түскен 6 адамның үшеуі - бала. Өрмекшінің бұл түрі қауіпті.

Әсіресе Индер, Құрманғазы аудандарында жағдай ушығып тұр.

Ауруханаға түскен тұрғындардың барлығы сауығып, үйлеріне шығарылған, деп жазады qazaqstan.tv.

Дегенмен улы жәндіктен ірі қара да зардап шегіп жатыр. Қарақұрт шаққан 180 бас түйе шығын болды.

"Жер үйде тұратын адамдар бар. Оларға шарбақтарын тазалағанада дене терісін толықтай жабатындай етіп киініп, қолғап киіп тазалауды ұсынамыз. Онан кейін сыртта аяқ киімдері болатын болса, немесе, тыстан үйге келгенде киімдерін қарап, оған қарақұрт енген жоқ па, соларға мән беріп, қарауларын ұсынамыз." Руслан Қайыржанов, дәрігер-эпидемиолог

Оқи отырыңыз