Шымкент экс-әкімінің ағасы бес тәулікке қамауға алынды

Сурет: pexels

Жақында Қазнетті Шымкент экс-әкімінің ағасымен болған жанжал дүр сілкіндірді. Марат Әйтеновтің бұрынғы жұбайын балаларымен үйден қалай "қуып шыққаны" туралы бейне комментаторлардан бастап шенеуніктерге дейін белсенді талқыланды. Іс сотта қаралды, деп хабарлайды Zakon.kz.

Астана қаласының әкімшілік құқық бұзушылық жөніндегі мамандандырылған ауданаралық сотында ӘҚБтК-нің 73 - бабының 1-бөлігі бойынша құқық бұзушыға қатысты іс қаралды.

Істің мән-жайы бойынша, құқық бұзушы үйдегі отбасылық жанжал кезінде бұрынғы жұбайының абыройы мен қадір-қасиетін қорлап, оның атына дөрекі сөйлеген. Осылайша оған құрмет көрсетпей, басқа адамдардың тыныштығын бұзған.

Сот отырысы барысында құқық бұзушы өз кінәсін мойындаған жоқ.

"Ол бұрынғы жұбайы оның өтініші бойынша балаларын беруден бас тартып, олардың қолдарынан ұстап жібермегенін түсіндірді. Ол балаларды әкету үшін еденде отырған әйелдің аяқтарынан тартқан. Ол әдепсіз сөз айтпағанын, оны ұрмағанын атап өтті",- делінген соттың ақпаратында.

Жәбірленушінің айтуынша, бұрынғы күйеуі оны көшіру кезінде заңсыз жүріп, оған шабуыл жасап, денесіне зақым келтірген.

Жасалған құқық бұзушылықтың мән-жайлары әкімшілік құқық бұзушылық туралы хаттамамен, бейнежазбамен, жәбірленушінің түсіндірмелерімен расталады.

"Жоғарыда келтірілген мән-жайларды, сондай-ақ жұртшылыққа теріс әсер ететін және жеке адамның құқықтарына қол сұғатын жасалған іс-әрекеттің дәрежесі мен сипатын ескере отырып, құқық бұзушы ӘҚБтК-нің 73-бабының 1-бөлігі бойынша кінәлі деп танылды. Оған жаза тағайындалып, 5 тәулікке қамауға алынды". ҚР Жоғарғы соты баспасөз қызметі

Қаулы заңды күшіне енген жоқ.

Оқи отырыңыз