Автобус шұңқырға құлап кетті: "Майқайыңалтын" кінәсін жоққа шығарып отыр
Сурет: Telegram/Астана соттары
Істің мән-жайларынан 2024 жылғы 4 қаңтарда "Майқайыңалтын" АҚ Майқайың жерасты кенішінің аумағында "КӘАҚҚ РОШ" ЖШС қызметкерлерімен автобус тазарту кеңістігіне түсіп, салдарынан 4 құтқарушы қаза тапты.
ҚР ЕХӘҚМ Еңбек және әлеуметтік қорғау комитеті төрағасының 2024 жылғы 4 қаңтардағы бұйрығымен құрылған комиссия өліммен аяқталған еңбек қызметіне байланысты жазатайым оқиғаның себептерін тергеп-тексеруді жүргізді, топтық жазатайым оқиғаны тергеп-тексеру актісін (актіні) жасады.
Астана соты жазатайым оқиға жұмыс уақытында "КӘАҚҚ РОШ" ЖШС қызметкерлерінің еңбек міндеттерін орындау кезінде болғанын хабарлады.
"Актімен жұмыс берушінің кінәсі 100% анықталды (актінің 6.3-тармағында көрсетілген жауапты тұлғалардың әрекеттерінен (әрекетсіздігінен) туындаған жазатайым оқиғаның себептерін негізге ала отырып"). Астана соттары
"Майқайыңалтын" АҚ орын алған жазатайым оқиғада өзінің кінәсін жоққа шығарып, бұл актіні даулады.
Сотта жазатайым оқиға "Майқайыңалтын" қауіпті өндірістік объектісінде технологиялық жолдың жоғарғы қабатының шахтаның тазарту кеңістігіне құлауы және "КӘАҚҚ РОШ" ЖШС құтқарушыларымен бірге автобустың құлауы салдарынан орын алғаны анықталды.
Соттар комиссия актіде "Майқайыңалтын" АҚ-ның 100% кінәсін негізді түрде көрсетті деген қорытындыға келді, өйткені болған жазатайым оқиға талапкердің өндірістік қызметімен тікелей байланысты.
Соттардың қорытындылары сотта зерттелген тергеу материалдарымен, оның ішінде сараптама ұйымдарының қорытындыларымен расталды.
"Елорда соттары арнайы тергеу актісінің даулы қорытындылары заңды және негізді деп тапты, ал "Майқайыңалтын" АҚ-ның талабын қанағаттандырудан бас тартылды", - делінген сот таратқан хабарламада.
Жергілікті соттардың сот актілері заңды күшіне енген жоқ.
