Атырауда екі жасар бала лифтіде қалып қойған

Атырауда полиция лифтте қалып қойған екі жасар сәбиді құтқарды, деп хабарлайды Zakon.kz.

 "102" операторына көпқабатты үйдің жедел сатысында қалып қойған сәби туралы хабарлама келіп түскен.

Жедел басқару орталығының қызметкерлері 8 қабатта тұрып қалған баланы құтқару үшін патрульдік экипажды бағыттады.

Оқиға орнына жеткен Ақжол Кибатоллаев пен Жантөре Әліпкалиев лифт ішінде жылаған баланың дауысын естіп, есігін күшпен ашып, екі жастағы баланы аман-есен алып шықты.

Сәбидің анасы тәртіп сақшыларына алғыс білдірді.