Алматыдағы Рысқұлов-Бөкейханов жолайырығында қозғалыс бір тәулікке шектеледі

Рысқұлов-Бөкейханов жолайырығындағы аумақта орташа жөндеу жұмыстарын жүргізуге байланысты көлік қозғалысы уақытша шектеледі.

31 шілде сағат 23:00-ден 1 тамыз сағат 23:00-ге дейін шығыс бағытта Рысқұлов даңғылынан Бөкейханов көшесіне дейінгі бұрылыста, сондай-ақ Бөкейханов көшесіндегі оңтүстік бағыттан шығыс бағытқа қарай бұрылыс пен Рысқұлов даңғылына шығар жол толығымен жабылады.

Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады.

Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен "Яндекс карталар" сервистерінде жазылған.

Сурет: Алматы қаласы әкімдігінің баспасөз қызметі