Астанада Қарқаралы тасжолының учаскесі 4 күнге жабылады

Астанада Қарқаралы тасжолының учаскесі 4 күнге жабылады. Қала әкімдігі тұрғындарға маршруттарын алдын ала жоспарлауды ескертті, деп хабарлайды Zakon.kz.

"Астананың көлік және жол-көлік инфрақұрылымын дамыту басқармасы "Жұлдыз" айналымынан бастап көлік айырығына дейінгі учаскесінде Қарқаралы тас жолының төсеміне үстіңгі қабатын салу жұмыстарын жүргізеді". Астана әкімдігі

Қозғалыс көрсетілген учаскеде 4-7 тамыз аралығында ішінара жабылады. Бұл ретте автокөлік құралдарының қозғалысы бір жағымен екі бағытта да жүзеге асырылады.

Сурет: Астана әкімдігінің сайты

"Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды", - делінген хабарламада.