Астанада "Барыс Арена" спорт кешенінің алдындағы жол толығымен жабылады

Астанада "Барыс Арена" спорт кешенінің алдындағы жол толығымен жабылады. Автобус та жүрмейді, деп хабарлайды Zakon.kz қала әкімдігіне сілтеме жасап.

"Астана қаласының Көлік және жол-көлік инфрақұрылымын дамыту басқармасы Орынбор көшесінен Бұқар Жырау көшесіне дейінгі Тұран даңғылы бойынша Барыс Арена спорт кешенінің алдындағы жергілікті жол жүрісіне орташа жөндеу жүргізеді", - деп хабарлайды Астана әкімдігінің ресми сайты.

Жергілікті жол жүру учаскесі осы жылдың 7-9 тамызы аралығында толығымен жабылады.

Жол жөндеу кезеңінде The Square бизнес орталығы және "Барыс-Арена" СК" аялдамаларына қалалық қоғамдық көліктер қызмет көрсетпейді.

"Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет", - делінген хабарламада.