Қазақстанда алдағы күндері күн салқындайды

"Қазгидромет" РМК синоптиктері Қазақстан бойынша 2024 жылдың 10-12 тамызына арналған ауа райы болжамын ұсынды. Мамандар демалыс күндері ауа температурасы біртіндеп төмендейді деп болжап отыр, деп хабарлайды Zakon.kz.

Бұл күндері еліміздің басым бөлігінде тұрақсыз ауа райы сақталады: жаңбыр жауады, найзағай ойнайды, екпінді жел соғады, бұршақ жаууы мүмкін.

"10 және 12 тамызда республиканың солтүстік-батысында, 10 тамызда орталықта, 10-11 тамызда шығыста, 11 тамызда елдің оңтүстік-шығысында қатты жаңбыр күтіледі республика бойынша күтілуде". "Қазгидромет" РМК баспасөз қызметі

Сонымен қатар, Қазақстанның басым бөлігінде ауа температурасының біртіндеп төмендеуі күтілуде.

"Күндіз республиканың батысында +20+30°С, солтүстік-батыста +15+28°С, солтүстікте +15+25°С, шығыста және орталықта – +17+28° дейін". "Қазгидромет" РМК баспасөз қызметі

Бұл ретте еліміздің оңтүстік-шығысында күндіз +35+38°С қарқынды ыстық сақталады, Қазақстанның оңтүстігінде +30+37°C болады.

Бұған дейін метеорологтар демалыс күндері Алматыда жаңбыр жауады деп хабарлаған болатын.