Алматыдағы аудандардың бірінде көше бұзақысы 10-нан астам көлікті зақымдады

Алматы аудандарының бірінде белгісіз біреу бірнеше көліктің бүйір айнасын жұлып, сындырып кеткен, деп хабарлайды Zakon.kz.

Оқиға "Орбита-2" шағын ауданында болған. Әлеуметтік желіде пайда болған бейнежазбада айтылғандай, ер адам 12 тамызға қараған түні "10-нан астам көліктің бүйір айналарын жұлып, сындырған". Оқиға орын алған автотұрақ аумағында бейнебақылау камералары орнатылған және олар күдіктіні түсіріп алған.

Посмотреть эту публикацию в Instagram

Публикация от интернет-СМИ "Kris P Official" (@kris__p__official)

Алматы полиция департаментінің баспасөз қызметі шабуыл жасаған адамның ұсталғанын хабарлады.

"Бостандық аудандық полиция бөлімінен хабарлағандай, құқық бұзушы анықталып, ұсталды, оның әрекетіне құқықтық баға беріліп, заңға сәйкес шара қолданылады", — деп түсіндірді полицейлер.

Оқиғаның басқа мән-жайлары анықталуда.

10 тамызда Алматыда үш көліктің бөлу жолағына орнатылған жаңа құрылымға ұшып кеткенін жазған едік.