Денсаулық сақтау министрлігі бетперде тағу режимінің қайта оралуына қатысты пікір білдірді

Бетперде тағу режимі, Қазақстан, коронавирус, қаулы, сурет - Zakon.kz жаңалық 16.08.2024 17:44

Сурет: pixabay

Денсаулық сақтау бірінші вице-министрі Тимур Сұлтанғазиев 2024 жылы 16 тамызда Қазақстанның бетперде тағу режиміне қайта оралу туралы бас санитарлық дәрігердің қаулысына қатысты түсініктеме берді. Оның айтуынша, бұл талап тек медицина қызметкерлеріне арналған, деп хабарлайды Zakon.kz.

Ол Қазақстанда коронавирус бойынша жағдай тұрақты екенін баса атап өтті.

"Бетперде тағу режимін жаппай енгізу жоспарланбаған. Бас санитарлық дәрігердің қаулысы аясында бетперде тағу режимі тек медициналық ұйымдарды және тек медицина қызметкерлерін қамтиды. Ауруханаға келушілер, науқастар үшін бетперде тағу ұсыныс сипатына ие", деп сөзін толықтырды Тимур Сұлтанғазиев.

ҚР Бас мемлекеттік санитарлық дәрігерінің міндетін атқарушы медициналық ұйымдардың кіре берісінде "сүзгі" құрылғысы жұмысын қамтамасыз етуді, бетпердені пайдалануды, антисептиктердің болуын көздейтін қаулыға қол қойды.

Бұған дейін ҚР Денсаулық сақтау министрлігі 2024 жылдың басынан бері елімізде коронавирустың 1 290 жағдайы тіркелгенін хабарлаған еді.

Оқи отырыңыз