Алматы облысында екі ер адам тауға шығып, адасып кетті

Алматы облысының Талғар ауданында 1994 жылы туған екі ер адам тауға көтеріліп, бірақ адасып кетті, деп хабарлайды Zakon.kz.

Төтенше жағдайлар министрлігінің хабарлауынша, олар өз бетінше таудан түсе алмай, құтқарушылардың көмегіне жүгінді.

"Тәуліктің қараңғы уақытына және ағаштарды құлатқан дауылды желге қарамастан Республикалық жедел-құтқару жасағының жедел тобы туристерді Қотырбұлақ шатқалынан тауып, оларды қауіпсіз жерге алып барды", - делінген хабарламада.

Туристер медициналық көмекке мұқтаж емес.