Ерболат Досаев тұрғындардың кәсіпкерлерді жазалау туралы талаптарына жауап берді
Фото: пресс-служба акимата Алматы
Алматы әкімі Ерболат Досаев Медеу ауданының тұрғындарымен өткен кездесуде тұрғындардың кейбір кәсіпкерлерге қатысты шағымына жауап берді.
"Қалдаяқов көшесінен Қастеев көшесіне дейінгі аралықта үнемі түтіннің иісі шығады. Жеке үйдің орнындағы шағын аумақта кәуап пісіретін орын пайда болады: түтін, қоламса иіс, көлік тұрағы жоқ", — деп шағымын айтқан тұрғын қала басшысынан тиісті шара қолдануын сұрады.
Мегаполис әкімі бұл бағытта түбегейлі шаралар қабылдау үшін заңнамаға өзгерістер енгізу қажет екенін түсіндірді.
"Бізде жер заңнамасы бойынша нысаналы мақсатымыз және функционалдық аймақтарға бөлу жай ғана "Сауда" деп қарастырылған, оған барлығы кіреді. Экологиялық стандарттар немесе санитарлық нормалар тұрғысынан реттелуі керек талаптар бұлыңғыр. Біз өз ұсынысымызды жасадық, өзгертулер енгізуін сұрадық. Біз уәкілетті мемлекеттік органдарға жеткізуге тырысамыз және түтінді болдырмау үшін реттеу жүйесін өзгерту бойынша жұмыс жасаймыз", — деп жауап берді Ерболат Досаев.
Қала басшысы жеке меншік құқығы бар екенін және "заңнама аясында ғана әрекет етуге болатынын" атап өтті.
"Бізде өрт қауіпсіздігін қамтамасыз етуге байланысты орган бар – ТЖД, екіншісі-санитарлық-эпидемиологиялық бақылау департаменті. Жыл басынан бері мораторий алынып тасталды, егер сіздің тарапыңыздан ресми ұжымдық өтініштер болса, мен екі департаменттен де белгіленген тәртіппен біздің азаматтардың денсаулығын қорғау мен қауіпсіздікті қамтамасыз ету шеңберінде оларды қарауды сұраймын", — деп атап өтті мегаполис әкімі.
Ерболат Досаев өзінің жетекшілік ететін орынбасары мен аудан әкіміне мәселені бақылауға алуды тапсырды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
