Өскеменде АЭС-те жұмыс істейтін мамандар оқытылады

Сурет: Zakon.kz

Техникалық жоғарғы оқу орындары мен уран өндіретін ірі кәсіпорындар атом электр станциясында жұмыс істейтін мамандарды бірлесіп дайындамақ.

Осы мақсатта шетелдің бірқатар белді университеттерімен арада меморандум бар. Сол келісімге сәйкес қазақстандық оқу орындары соңғы бірнеше жылда мамандар даярлай бастады. Ал уран таблеткаларын шығаратын кәсіпорындар жоғарғы курс студенттерін тәжірибеден өткізіп келеді, деп жазады qazaqstan.tv.

Бүгін Өскеменде осы саланың ғалымдары мен сарапшылары атом электр станциясына маман даярлау мәселесін талқыға салды. Ал станция құрылысы 10-12 жылға жоспарланған. Осы уақыт аралығында қажетті мамандарды даярлап үлгеруге болады.

"Біздің университеттің өзінде осы саладағы кадрларды қазірден бастап дайындайы. Курчатов қаласында Ұлттық радиолық орталық бар. Олармен бізде меморандум бар. Яғни біздің техникалық саладағы студенттер сонда барып, практикаларын өтеді. Қазақстандағы үш зерттеу реакторы бар, соның екеуі Курчатовта тұр. Сол реакторлардың бойында жұмыс істеп, өз көздерімен көріп, түртіп, біліктіліктерін арттыра алады." Ернат Қожахметов, PhD докторы

Оқи отырыңыз