Алматылық оқушылар АҚШ-та өткен робототехника жарысынан жүлделі оралды
Сурет: Алматы әкімдігінің баспасөз қызметі
Алматы жастар саясаты басқармасының басшылығымен 100-ден астам демалыс орталықтары жұмыс істейді, олардың тәрбиеленушілері республикалық және халықаралық жарыстарда үнемі жүлделі орындарды иеленіп келеді.
Алдыңғы айдың өзінде Алматыдан 100-ден астам оқушы робототехника жарыстарына қатысып, оның ішінде 24 АҚШ-та өткен халықаралық чемпионатта бас бәйгеге ие болды.
Оқушылардың жетістігі туралы Robotics & Artificial Intelligence (RAI) демалыс орталығының директоры Бекзат Аманов айтты.
"Калифорния штатының Лос-Анджелес қаласында өткен "Robo Tourney International Championship 2024" халықаралық чемпионатында біздің тәрбиеленушіл үздік нәтиже көрсетті. Жарысқа әлемнің түкпір-түкпірінен 200-ден астам талантты оқушылар қатысты. Біздің командалар жоғары дайындық деңгейін көрсетіп, халықаралық аренада бәсекеге қабілетті екенін дәлелдеді", - деді ол.
Команда құрамындағы екі оқушы, Мира Демеуғалиева мен Серімжан Асылханұлы маусымаралық Dedication Award жүлдесінің жеңімпаздары атанды. Бекзат Аманов, Ернар Жолдасов, Серік Төленов және Бірлік Сағитжанов жаттықтырушылар арасында Coach/Mentor Award номинациясының жеңімпаздары атанды.
"Екі қазақстандық команданың жетістіктері олардың халықаралық аренада бәсекеге қабілетті екенін көрсетеді. Демалыс орталығының тәрбиеленушілері жарыстың екі күнінде де өз өнерлерімен көшбасшылар қатарында болды. Командалар Қазақстан Республикасы Оқу-ағарту Министрлігінің қолдауымен Ustem Foundation қоғамдық қоры мен "Дарын" РҒПО ұйымдастырған Central Asia FIRST Championship Орталық Азия чемпионаты барысында Әлем чемпионатына жолдама алды. Чемпионаттағы жеңіс біздің тәрбиеленушілерге әлемдік жоғары оқу орындарындағы гранттарға қол жеткізуге мүмкіндік береді", - деді Бекзат Аманов.
124-команданың капитаны Мира Демеуғалиева да беделді халықаралық жарыстарға қатысу тәжірибесін айтты.
"Менің робототехника саласындағы жолым FIRST Global Challenge (FGC) жарысына қатысудан басталды. Бұл тәжірибе маған команда капитаны болып, лидерлік қасиеттерімді дамытуға шабыт берді. Мен бағдарламалау, 3D-моделдеуді үйреніп, робототехника саласындағы білімімді тереңдеттім", - деді ол.
