Қостанай облысында ер адам абайсызда велосипедтен терең суға құлап кеткен
Сурет: polisia.kz
23 тамызда кешке Октябрь кентінің жанында Тобыл өзенінің бір жағалауынан екінші жағалауына өтпек болған, 39 жастағы ер адам абайсызда велосипедтен терең суға құлап кеткен.
"Данабекпен бірге әрекет еттік, ойлануға уақыт болмады, біз суға батып бара жатқан адамды жағаға аман-есен шығардық", - деді Андрей Литвиненко.
Көрсеткен батылдығы мен белсенді азаматтық ұстанымы үшін Андрей Литвиненко Лисаков қаласының полиция бөлімі бастығының грамотасымен марапатталды, сондай-ақ оған естелік сыйлық, қолсағаты табыс етілді.
Полиция қызметкері Данабек Игімбердиев кәсіпқойлығы үшін Конституция күнін мерекелеуге арналған алдағы іс-шарада марапатталады.
Қостанай облысы полиция департаменті баспасөз қызметінде Данабек Игімбердиевтің ішкі істер органдарында 15 жылдан астам қызмет етіп келе жатқанын, осы учаскеде 2010 жылдан бері жұмыс істеп келе жатқанын атап өтті. Осы уақыт ішінде ол азаматтарға бірнеше рет көмекке келді.
Өткен сәуірде ол мұзды суға батып бара жатқан адамды құтқарды, ал желтоқсан айында газ баллондары бар гаражда өрттің алдын алды.
