Павлодарда қаршадай қызын ұрған ер адам айыппұл төлеп, есепке алынды
Сурет: unsplash
Павлодарда жеті жастағы қызына қол көтерген әке жазаланды. Жұрттың наразылығын тудырған оқиға бейнебақылау камерасына жазылып қалған. Онда 53 жастағы ер адамның қаршадай қызын ұялы телефонмен ұрып жатқаны анық көрінеді, деп хабарлайды Zakon.kz.
КТК телеарнасының хабарлауынша, баланың анасы күйеуіне қарсы арыз жазудан бас тартқан. Соған қарамастан, ер адамға қатысты кәмелетке толмаған баланы тәрбиелеу, оның құқығы мен мүддесін қорғау міндетін орындамағаны үшін әкімшілік іс қозғалып, сотқа тартылды. Баласын күшпен тәрбиелемек болған әке енді айыппұл төлейді. Қызына қол көтерген азаматты көршілері көріп, полиция шақыртқан.
Қатыгез әке профилактикалық есепке алынып, енді қамқоршы органның жіті назарында болады.
"Сот іс материалдарын жан-жақты зерттей келе, Әкімшілік құқық бұзушылық туралы кодексі 127-б, 1-б көзделген әкімшілік құқық бұзушылықты жасағаны үшін кінәлі деп танып, оған 25 844 теңге айыппұл тағайындады. Қаулы заңды күшіне әлі енген жоқ". Павлодар облысы сотының баспасөз хатшысы Агидель Ибраева
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
