Астанада тағы бірнеше көше жабылады

Астанада жолдарда жүргізіліп жатқан жөндеу жұмыстарына байланысты тағы бірнеше көше жабылады. Бұл туралы 30 тамызда елорда әкімдігі ақпарат таратты, деп хабарлайды Zakon.kz.

Астана қаласының Көлік және жол-көлік инфрақұрылымын дамыту басқармасының хабарлауынша, 2024 жылдың 29 тамызы мен 2 қыркүйек аралығында деформациялық тігістерді жөндеу жұмыстары мына көшелерде жүргізіледі:

• Мәңгілік Ел даңғылы мен Сарайшық көшесінің қиылысындағы көлік айрығында.

Сурет: gov.kz

Сондай-ақ Еңлік Кебек көшесінен бастап Ардагерлер көшесіне дейінгі учаскеде Сұлукөл көшесінде орташа жол жөндеу жұмыстарының жүргізілуіне байланысты 30 және 31 тамызда аталған учаске толығымен жабылатын болады.

Сурет: gov.kz

Елорда тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлап алу сұралады.