Алматыда Рысқұлов даңғылындағы жолайырыққа бұрылатын жолдар жөндеуге жабылады

Рысқұлов-Жансүгіров жолайырығының учаскелеріне орташа жөндеу жүргізуге байланысты көлік қозғалысына уақытша шектеу енгізіледі, деп хабарлайды Zakon.kz.

5 қыркүйек сағат 23.00-ден 7 қыркүйек сағат 11.00-ге дейін Рысқұлов даңғылынан Жансүгіров көшесіне дейінгі оңтүстікке бұрылыс пен Жансүгіров көшесінен Рысқұлов даңғылына дейінгі солтүстікке бұрылатын жолда қозғалыс жабылады.

Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады. Маршрутыңызды алдын ала жоспарлап алуыңызды сұраймыз.

Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен "Яндекс карталар" сервистерінде жазылған.

Сурет: Алматы қаласы әкімдігінің баспасөз қызметі