Ертең Астанада Жансүгіров көшесіндегі жол учаскесі бір тәулікке уақытша жабылады

Астанада Ілияс Жансүгіров көшесі бойынша Абылай хан даңғылынан Шәкәрім Құдайбердіұлы даңғылына дейінгі учаскеде жол төсеміне орташа жөндеу жұмыстары жүргізіледі, деп хабарлайды Zakon.kz.

Астана қаласы Көлік және жол-көлік инфрақұрылымын дамыту басқармасының мәліметінше, осыған байланысты ертең аталған жол учаскесі жабылады.

"8 қыркүйекте сағат 9:00-ден 9 қыркүйекте сағат 06:00-ге дейін жоғарыда аталған учаске толығымен жабылады. Бұл ретте автокөлік құралдарының қозғалысы айналып өту схемасына сәйкес, іргелес көшелер бойынша ұйымдастырылады", делінген хабарламада.

Сурет: gov.kz

Сурет: gov.kz

Сурет: gov.kz

Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлап алу сұралады.