"Үш өңірде жауын-шашын болмайды". Еліміз бойынша 22 қыркүйекке арналған ауа райы болжамы
Сурет: Zakon.kz/Павел Михеев
"Қазгидромет" РМК ұсынған деректері бойынша, республикамыздың батысында, солтүстігінде және орталығында жауын-шашынсыз ауа райы күтіледі.
"Атмосфералық фронтальды бөліктердің жылжуы әсерінен еліміздің басым бөлігінде ауа-райының тұрақсыз сипаты сақталады. Атап айтқанда, жаңбыр жауады, оңтүстікте, оңтүстік-шығыста найзағай ойнап, күн райы бұзылады. Қазақстан бойынша тән ортақ табиғи құбылыс - желдің екпін алуы. Солтүстік-батыста, солтүстікте, шығыста, оңтүстік-шығыстың таулы аймақтарында түнде және таңертең тұман болады", – делінген болжамда.
Гидрометорталықтың деректері бойынша, Ақтөбе, Қарағанды облыстарында, Ұлытау өңірінің шығысында, Жетісу облысының батысында, Батыс Қазақстан облысының солтүстігінде, солтүстік-шығысында, Қызылорда өңірінің солтүстік-батысында, Жамбыл облысының оңтүстік-батысында, оңтүстік-шығысында, батысында, оңтүстігінде, Шығыс Қазақстан облысының орталығында, оңтүстігінде, Қостанай өңірінің орталығында, Алматы облысының батысында, орталығында, Абай облысының шығысында өрт қаупі жоғары болады деп күтіледі.
Маңғыстау, Атырау, Түркістан, Қызылорда, Жамбыл, Ұлытау, Батыс Қазақстан облыстарында, Абай өңірінің оңтүстігінде, Жетісу облысының солтүстігінде, орталығында, Қарағанды өңірінің батысында, шығысында, Ақтөбе облысының оңтүстігінде, Алматы облысының солтүстігінде төтенше өрт қаупі сақталады.
