Жаңалықтар тізбегі
0

Енді ұшақта жолаушыларға тыңдау үшін қызықты ұлттық аудиоконтент ұсынылады

Аудио кітап, ұшақ, жолаушылар, отандық жазушылар, сурет - Zakon.kz жаңалық 22.09.2024 13:53 Сурет: Zakon.kz
Ұлттық академиялық кітапхана мен AirAstana әуе акомпаниясы арасындағы ынтымақтастық туралы меморандумға қол қойылды. Ынтымақтастық нәтижесінде әуе компаниясының ұшағында ұшу кезінде жолаушыларға тыңдау үшін қызықты ұлттық аудиоконтент ұсынылады, деп хабарлайды Zakon.kz.

Бұл шара елордада ҚР Мәдениет және ақпарат министрлігінің қолдауымен өткен "KitapTime – 2024" ІІІ жалпы республикалық кітап фестивалі аясында болды.

Бұл күні республиканың барлық аймағындағы 4000-ға жуық кітапханаларда отандық ірі баспалар, кітап дүкендерінің қатысуымен 1845 іс-шара ұйымдастырылды. Оларға 60 мыңға жуық адам қатысты.

"Мемлекет басшысы Қасым-Жомарт Тоқаев Ұлттық құрылтайда кітап оқу мен кітап шығарудың ел болашағы үшін маңыздылығына тоқталып, шын мәнінде, кітап оқитын ел зиялы ұлтқа айналады деп атап өткені белгілі. Осы орайда үшінші рет ұйымдастырылып отырған фестиваль кітап пен кітап оқудың мәртебесін көтеру, жас ұрпақтың әдебиетке деген қызығушылығын арттыру және ақпараттық мәдениетін қалыптастыру, жазушылар мен оқырмандар үшін қарым-қатынас алаңын құруды көздейді", - деді ҚР МАМ Архив, құжаттама және кітап ісі комитетінің төрағасы Рустам Али.

Сондай-ақ фестивальге келген қонақтар "Ауыл кітапханаларына 100 кітап" әлеуметтік акциясына қолдау көрсету мақсатында түрлі жанрдағы кітаптар сыйға тартты. Айта кетейік, биыл елордада өткен кітап фестивалі ҚР Ұлттық академиялық кітапханасының 20 жылдығына арналды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: