Алматыда Халықаралық қарттар күнін мерекелеу аясында қарттар айлығы өтеді
Сурет: Алматы әкімдігінің баспасөз қызметі
1 занқа күні сағат 11.00-де Қарттар айлығының ашылуына орай Тұңғыш Президент саябағының алдында 300-ден астам адам қатысқан скандинавиялық серуендеу фестивалі өтеді. Бағдарламада жаппай флеш-моб, скандинавиялық серуендеу бойынша командалардың көрсетілімдері, шығармашылық нөмірлер бар. Фестивальге Алматы қаласының Белсенді ұзақ өмір сүру орталығы мен Алатау, Бостандық, Әуезов, Жетісу, Наурызбай және басқа да аудандардың командалары қатысады.
1-4 қазан аралығында Алматы қаласының тарихи музейінде зейнеткерлердің шығармашылық жұмыстарының көрмесі өтеді. Көрмеге 20-дан астам қызмет алушылардың 90 жұмысы қойылады.
4 қазан сағат 11:00-де Ават ауылында "Егін мерекесі" атты көшпелі іс-шара өтеді, онда зейнеткерлер концерті, еселі еңбегі және "Агрокраудсорсинг" белсенді қатысушыларының мол өнімдері үшін марапаттау рәсімі, сондай-ақ "Табиғат сыйы" көрмесі өтеді. Іс-шараға 150-200 адам қатысады.
10 қазанда сағат 14:00-де "Асыл қазынам" ұзақ өмір сүру фестивалі өтеді. Бағдарламада шығармашылық қойылымдар, флешмобтар, дефиле, шеберлік дәрістері, домбыра оркестрі және спорттық көрсетілімдер, зейнеткерлердің шығармашылық жұмыстар көрмесі болады. Фестиваль Абылай хан көшесі, 83 мекенжайындағы "Қазақконцерт" ғимаратында өтеді, оған 500 көрермен мен 150 адам қатысады.
18 қазанда сағат 11:00-де Атакентте Белсенді ұзақ өмір сүру орталығы зейнеткерлері қолдан жасаған қолөнер бұйымдарының көрме-жәрмеңкесі өтеді.
30 қазан сағат 14:00-де Қарттар айлығы "Менің жылдарым – менің байлығым" атты ұзақ өмір сүру балымен салтанатты түрде жабылады. Кеште Белсенді ұзақ өмір сүру орталығы би ұжымдарының классикалық, заманауи және халық билерінен қойылымдар көрсетіледі. Сонымен қатар, "Асыл әже" атты кешкі киімдер, бал және ұлттық костюмдер шеруі, сән көрсету және түрлі жасқа арналған киім үлгілерінің өтеді. 200-250 адам қатысатын бал әл-Фараби атындағы ҚазҰУ-де өтеді.
Бұған қоса, Алматы қаласының Белсенді ұзақ өмір сүру орталығында Республика күніне орай концерттер мен кештер өтеді:
- 22 қазан сағат 15:00-де Төле би, 24в мекенжайындағы Медеу бөлімшесі "Көк тудың желбірегені" атты поэзия кешін өткізеді.
- 23 қазанда, сағат 12:00-де Мәуленов көшесі, 46а мекенжайындағы орталықта Республика күні мен Қарттар айлығына арналған салтанатты іс-шара өтеді.
- 24 қазанда, сағат 11:00-де Сейфуллин даңғылы, 597 мекенжайындағы Бостандық бөлімшесі Республика күні мен Қарттар айлығына арналған "Қарттарым – асыл қазынам" атты концерт өткізіп, аға буын өкілдері қарттарға құттықтап, сөз сөйлейді.
Әр іс-шарада ең белсенді, дарынды зейнеткерлер мен шығармашылық ұжымдар, спорттық командалар марапатталады. Құрмет грамоталары мен сыйлықтар тапсырылады.Сонымен қатар, Халықаралық қарттар күніне орай Алматыда қарттармен кездесулер, экскурсиялар, театрлар мен музейлерге тегін бару, актерлер мен шығармашылық ұжымдардың өнер көрсетуі ұйымдастырылады. Зейнеткерлерге "Қарттардың құқықтары", "Сыйға тарту және өсиет" тақырыбында заңгерлік кеңестер, қарттардың қаржылық сауатын арттыру бойынша семинарлар өтеді. "60+ кәсіби бағдар" семинарлары өтіп, егде жастағы азаматтарға еңбек нарығы және жұмысқа орналасу мүмкіндіктері туралы ақпарат беріледі.
Естеріңізге сала кетейік, Алматы қаласының Белсенді ұзақ өмір сүру орталығы қарт адамдарға денсаулықты қолдау, қолайлы орта құру және аға буын өкілдерінің өмір сүру сапасын арттыру бойынша көмек көрсетуге бағытталған. 2024 жылғы 1 қыркүйектегі мәлімет бойынша орталықта және оның бөлімшелерінде 4899 зейнеткер тіркеліп, оларға 179 988 қызмет көрсетілген. Орталыққа күніне орта есеппен 512 адам келеді. Күн сайын зейнеткерлерді қызметтер алу үшін қабылдау мен тіркеу жүргізіліп, қызмет алушылармен келісімшарт жасалады. Қазіргі таңда автоматтандырылған есеп жүйесі жұмыс істеп тұр. Қарт адамдарға әртүрлі әлеуметтік-сауықтыру, әлеуметтік-білім беру, әлеуметтік-мәдени, әлеуметтік-еңбек, әлеуметтік-құқықтық, әлеуметтік-демалыс және басқа да қызмет түрлері ұсынылады. 8 бағыт бойынша 40-тан астам әлеуметтік қызмет түрі көрсетіледі. Белсенді ұзақ өмір сүру орталығының бас кеңсесі Алматы қаласы, Мәуленов көшесі, 46а мекенжайында орналасқан.
