Астанада иесіз қалған үй өртеніп кетті

Астанада түнде өрт шықты. Ж.Нәжімеденов көшесі бойында орналасқан саяжай үйі өртенді, деп хабарлайды Zakon.kz.

Төтенше жағдайлар министрлігінің хабарлауынша, арнайы техника үшін жолдың жоқтығына қарамастан, өрт сөндірушілер ұзындығы 80 метр жең желісін төсеп, жанып жатқан адам тұрмайтын үйді тез арада сөндірді.

"Жақын маңдағы тұрғын үй кешеніне өрттің таралуына жол бермей, кәсіби өрт сөндірушілер 40 шаршы метр алаңда өртті мүмкіндігінше қысқа мерзімде сөндірді", - делінген хабарламада.