Алматы полицейлері алаяқтықтың бетін ашты

Шаһардың кем дегенде 20 тұрғыны туристік демалыссыз қалды: олар турларының ақысын алдын ала төлеп, бірақ тур болмаған.

Алданған азаматтар полицияға жүгінді.

Алмалы аудандық полиция басқармасының қызметкерлері туристік фирманың 26 ​​жастағы директорын ұстады.

Алдаудың барлық эпизодтары бір іске біріктірілген.

Бірнеше рет алаяқтық жасағаны бойынша сотқа дейінгі тергеу жүргізілуде.

Полицейлер күдіктінің заңсыз әрекетінен зардап шеккендерді Алмалы аудандық ПБ-ға жүгінуге немесе мына телефон нөмірлеріне хабарласуға шақырады: 8-707-306-06-04; 8-702-066-50-73; 254-46-12.

Айта кетейік, бір күн бұрын, 2 қазанда Алматы полициясы желідегі алаяқтардың жиі кездесетін схемалары туралы айтқан болатын.