Не істесек те, бәрі еліміздің ертеңі үшін – Президент

Сурет: akorda.kz

2024 жылғы 3 қазанда Мемлекет басшысы Қасым-Жомарт Тоқаев барлық деңгейдегі мәслихаттардың екінші республикалық форумында жерлестеріне сөз сөйледі, деп хабарлайды Zakon.kz.

Президент қазақстандықтарға демократияның не екенін еске салды.

"Отандастарымызға айтарым: демократия – үздіксіз жүретін үдеріс. Оған тұрақты түрде атсалысу қажет. Осыны қаперден шығармауымыз керек. Әлемдегі кез келген табысты демократиялық қоғам айналасына бей-жай қарамайтын азаматтардың арқасында ғана дамиды, өміршең болады. Қасым-Жомарт Тоқаев

Мемлекет басшысы "Ел болашағы жастардың қолында" деп атап өтті.

"Әр азаматтың әл-ауқаты мен Отанымыздың тағдыры тек өзіміздің қолымызда. Балаларымыз бен немерелеріміз біздің жетістіктерімізді еселеуі үшін келер ұрпаққа қажетті жағдай жасау – ортақ парызымыз. Қазақстанның болашағы – жастардың қолында. Мен бұл туралы үнемі айтып жүрмін. Жерімізге егілген әр талдың игілігін көретін де – жас ұрпақ. Бір сөзбен, не істесек те, бәрін еліміздің ертеңі үшін істейміз. Сондықтан біз балалардың денсаулығына, олардың білімі мен тәрбиесіне бүкіл ел болып ерекше көңіл бөлуіміз керек. Мемлекет осы бағытта нақты шаралар қабылдады, яғни қаражат бөліп, қажетті инфрақұрылым салуда. Жалпы, бұл жұмыс қарқынды жүріп жатыр деуге болады, бірақ, алдымызда тұрған міндеттер ауқымды, әлі де атқаратын шаруа көп". Қасым-Жомарт Тоқаев

Бұған дейін президент мемлекет кімге әрқашан қолдау көрсететінін айтқан болатын. Қасым-Жомарт Тоқаевтың барлық деңгейдегі мәслихаттар депутаттарының форумында сөзін қалай бастағанын мына жерден біле аласыздар.

Оқи отырыңыз