Тазалық халқымыздың қанға сіңген қасиетіне айналуы қажет – Президент

Субботник, уборка улиц, мусор, сурет - Zakon.kz жаңалық 03.10.2024 13:29

Фото: Zakon.kz

2024 жылғы 3 қазанда Қасым-Жомарт Тоқаев барлық деңгейдегі мәслихаттардың екінші республикалық форумында сөйлеген сөзінде маңызды құндылықтың бірі – туған елге жанашырлық екенін айтты, деп хабарлайды Zakon.kz.

Президенттің пайымдауынша, ол экология мәселесіне айрықша мән береді.

"Қоғамда тазалық мәдениеті орнығуы қажет. Осыған орай, биыл елімізде "Таза Қазақстан" жобасы қолға алынды. Бұл – өте маңызды бастама. Аймақтарда ауқымды экологиялық шаралар атқарылып жатыр. Жұмыстың нәтижесі қазірдің өзінде айқын көріне бастады. Шетелден келген қонақтар елді мекендеріміздің ерекше тазалығына назар аударуда. Тіпті, мұны басқа жұртқа үлгі етіп, әлеуметтік желіге жариялап жүрген туристер бар. Әрине, шетелдіктердің мақтағаны жақсы. Бірақ тазалық өзгелерден бұрын өзімізге керек." Қасым-Жомарт Тоқаев

Мемлекет басшысы тазалық алдымен халқымыздың әдетіне, сосын қанға сіңген қасиетіне айналуы қажет деп атап өтті.

"Бұл – Жарлықпен жасалатын, Өкіммен орындалатын шаруа емес. Тазалық алдымен халқымыздың әдетіне, сосын қанға сіңген қасиетіне айналуы қажет. Шын мәнінде, өркениетті елдің басты сипатының бірі – тазалық пен тәртіп. Сондықтан "Таза Қазақстан" шарасы жыл он екі ай бойы жалғасуға тиіс. Сіздер әр қиырдағы ауыл-аудандардан келіп отырсыздар. Осы сәтті пайдаланып, баршаңызды "Таза Қазақстанды" тұтас ел болып қолдауға шақырамын. Бұл іс-шарадан бір де бір елді мекен шет қалмауы керек. Әрбір ауыл, әрбір қала тазалықтың үлгісі болуы қажет." Президент

Жалпы, біздің елімізде Заң және Тәртіп үстемдік құруға тиіс, -деп атап өтті президент.

"Сонда ғана реформаларды табысты жүзеге асыруға және ел экономикасына инвестиция тартуға болады. Заң және Тәртіп – Әділетті Қазақстанның мызғымас тұғыры. Кез келген қоғам әділдік болғанын қалайды. Қазақстан халқының да талабы – осы. Сондықтан мен әділдік қағидатын орнықтыруға бар күш-жігерімді саламын". Қасым-Жомарт Тоқаев

Сонымен қатар, форумда Тоқаев "мемлекет адал еңбек етіп, сол арқылы олардың өмір сүру деңгейін көтеруге дайын адамдарды әрқашан қолдайтынын" атап өтті.

Оқи отырыңыз