"Күн қайта ысиды". Алматы қаласы бойынша бір аптаға арналған ауа райы болжамы

Синоптиктер Алматыда алдағы аптада ауа райы қалай болатынын болжады. "Қазгидромет" РМК деректеріне сәйкес, келесі аптада күн ысиды. Алайда кейбір күндері жаңбыр жауып, жел күшейеді, деп хабарлайды Zakon.kz.

"Қазгидромет" РМК-ның Алматы және Алматы облысы бойынша филиалының жетекші инженер-синоптигі Дәулет Кісебаевтың айтуынша, сынап бағаны күндізгі уақытта бір апта ішінде +27°С-қа дейін көтерілуі мүмкін, 2024 жылы 5-11 қазан аралығында қысқа мерзімді жауын-шашын болуы ықтимал.

5 қазан: аспан бұлтты, күн райы жауын-шашынсыз. Оңтүстік-батыстан соққан желдің екпіні - 2-7 м/с. Ауа температурасы түнде: +10...+12°С, күндіз: +23...+25°С.

6 қазан: аспан бұлтты, күндіз жаңбыр жауады. Батыстан соққан желдің екпіні 3-8 м/с, кей тұста - 15 м/с. Ауа температурасы түнде: +12...+14°С, күндіз: +21...+23°С.

7 қазан: аспан бұлтты, аракідік аздап жаңбыр жауады. Ауа температурасы түнде: +10...+12°С, күндіз: +18...+20°С.

8 қазан: аспан бұлтты, күн райы жауын-шашынсыз. Солтүстік-шығыстан соққан желдің екпіні - 2-7 м/с. Ауа температурасы түнде: +8...+10°С, күндіз: +21...+23°С.

9 қазан: аспан бұлтты, күн райы жауын-шашынсыз. Оңтүстік-шығыстан соққан желдің екпіні - 2-7 м/с. Ауа температурасы түнде: +9...+11°С, күндіз: +21...+23°С.

10 қазан: аспан бұлтты, күн райы жауын-шашынсыз. Оңтүстік-батыстан соққан желдің екпіні - 2-7 м/с. Ауа температурасы түнде: +11...+13°С, күндіз: +25...+27°С.

11 қазан: аспан бұлтты, күндіз жаңбыр жауады. Батыстан соққан желдің екпіні 3-8 м/с, кей тұста - 15 м/с. Ауа температурасы түнде: +12...+14°С, күндіз: +23...+25°С. 

Бұған дейін синоптиктер Қазақстан аумағында алдағы үш күнде сынап бағаны +30°С дейін көтерілетінін болжаған.