Қазақстанның екі облысын шарпыған өртте төрт адам зардап шекті
Сурет: pixabay
Төтенше жағдайлар министрлігінің хабарлауынша, өрт орнына орман шаруашылығының, ТЖД күштері мен құралдары және ерікті өртке қарсы құралымдар дереу жіберілді.
Құтқарушылар шақыру орнына жеткен кезде алдын ала 40 гектар алқап өртеніп жатқанын байқады.
"Өртті сөндіру барысында өңірдің ТЖД екі қызметкері және ерікті өртке қарсы құралымның бір қызметкері күйік алды. Олар аудандық ауруханаға жеткізілді, онда дәрігерлер оларға алғашқы медициналық көмек көрсетті. Кейін "Қазавиақұтқару" АҚ тікұшағында өрттен зардап шеккен тағы бір тұрғынды Қарағанды қаласының ауруханасына жеткізді. Алдын ала мәліметтер бойынша, ол жеңіл күйік алған", - деп хабарлады Төтенше жағдайлар министрлігі.
Күндіз дала өрті Павлодар облысының шекарасынан "Баянауыл мемлекеттік ұлттық табиғи паркінің" ормансыз аумағына көшті. Өрт орнына "Қазавиақұтқару" тікұшақтары барды. Тікұшақ құрылғысына суды Шалқаркөл көлінен қармап алып, сағат 17-00 жағдай бойынша өрт ошақтарына 6 рет жалпы көлемі 18 тонна су төгілді.
Сондай-ақ аэровизуалды барлау барысында Желтау кентінің тұрғындарын алдын ала эвакуациялау туралы шешім қабылданды. Қауіпсіз жерге 18 адам, оның 8 бала эвакуацияланды.
ҚР ТЖМ Командалық орталығында штаб жұмыс істеп жатыр. ТЖ вице-министр Еран Нұрпейісов өрт орнында.
Қарағанды облысының әкімі де оқиға орнына барды. Құтқарушылар тобы қосымша күштер мен құралдармен толықтырылды. Өрт орнында Қарағанды және Павлодар облыстарынан ТЖД, ЖАО, ЭТРМ күштері жұмылдырылды: жеке құрамнан 183 адам, 56 бірлік техника және 4 тікұшақ.
"Өрттің алдын ала ауданы 3000 гектардан асты. Қатты екпінді жел, таулы жерлер және өрт ошақтарына кірме жолдардың болмауы өртті сөндіру жұмыстарын қиындатуда. Ақпараттық психологиялық қолдау көрсету үшін ТЖ-ны жою штабында 8 721 2 51 72 23 жедел желі телефоны жұмыс істейді".Төтенше жағдайлар министрлігі
Оқи отырыңыз
