Ақтөбеде Әйтеке бидің 380 жылдығы атап өтілді

Әйтеке би Бәйбекұлының 380 жылдығына арналған мерекелік іс — шаралар Ақтөбе қаласы әкімдігінің алаңында тұрған Әйтеке би ескерткішіне гүл шоқтарын қоюдан басталды, деп хабарлайды Zakon.kz.

Қала әкімі Азамат Бекет "ХVIІ- ХVIII ғғ. Қазақ елі: Әйтеке би заманындағы ұлттық құндылықтар және ұрпақтар сабақтастығы" атты Халықаралық ғылыми-тәжірибелік конференцияға келген қонақтармен бірге Әйтеке би ескерткішіне гүл шоқтарын қойып, ұрпаққа мұра боларлық шараның ашылуымен құттықтады.

Сурет: Ақтөбе қаласы әкімдігінің баспасөз қызметі

11-13 қазан күндері аралығында Ақтөбе облысының Қарабұтақ ауылында қазақтың атақты мемлекет және қоғам қайраткері, мәмілегер Әйтеке би Бәйбекұлының туғанына 380 жыл толуына арналған ауқымды іс-шаралар өтуде.

Іс-шаралардың мақсаты — ел бірлігі мен әділдіктің жарқын үлгісін өрсеткен тарихи тұлғаның мұрасын дәріптеу, ұлттық құндылықтарды насихаттау және ұрпақтар сабақтастығын жалғастыру.