Энергетика министрлігі Саран қаласындағы жылу мәселесіне қатысты мәлімдеме жасады
Фото: freepik
Энергетика министрлігінің басшысы Алмасадам Сәтқалиев жергілікті қазандықтардың, орталық жылу көзі, жылу желілері мен әлеуметтік нысандардың жай-күйін аралап көрді, сондай-ақ жергілікті жедел штабтың отырысын өткізді.
"Кезектегі барлық жергілікті қазандықтар дайындалып, іске қосылды. Жылу толық көлемде беріледі. Біз барлық қазандықтардағы жылу беру температурасын қадағалап отырамыз. Қосымша қазандықтармен кеңейту қажет болған жерде жақын арада кеңейтілетін болады. Тұрғындар бұрын болған екі қазандық туралы сұрақ қойды, бұл үйлер басқа қазандықтарға қайта қосылды", — деді Қарағанды облысының әкімі Ермағанбет Бөлекпаев.
Арнайы комиссия жұмыс істейді, оның құрамына энергетикалық қадағалау өкілдері, облыс және басқа да басқарма басшылары, Төтенше жағдайлар департаменті кіреді. Орталық жылу көзіне құрал-жабдық беретін зауыттардан мамандар шақырылды.
"Біз барлық жылу көздерін аралап шықтық және жылумен жабдықтау схемасын қалпына келтіру жұмыстарының барысына жеткілікті түрде егжей-тегжейлі талдау жасадық.Келесі шешім қабылданды: орталық жылу көзі іске қосылғанға дейін қаланы жылумен қамтуды жергілікті қазандықтар қамтамасыз етеді.Барлық әлеуметтік нысандар жылумен қамтамасыз етілген, барлық өндірістік нысандар өндірістік бағдарламаларға сәйкес жұмыс істейді", — деді Алмасадам Сәтқалиев.
Тұрғын үйлерге жылу беру жұмыстары аяқталып жатқаны, жағдайды Энергетика министрлігі мен облыс әкімдігінің бақылауына алғаны айтылады.
09:44-те ақпарат жаңартылды.
"Тұрғын үй-коммуналдық шаруашылық мамандары, ҚСК төрағалары мен қазандықтардың аға өкілдері қазандықтардағы температуралық режимге қол жеткізу бойынша жұмыс істеп жатыр: 8 72137 73915. Қарағанды облысы әкімдігінің баспасөз қызметі
Саран қаласында қазандық 2024 жылдың 13 қазанында пайдалануға берілді. Ақаулыққа байланысты қазандықтың жұмысын тоқтатуға мәжбүр болды. 15 қазанда Қазақстан Республикасының Премьер-Министрі Олжас Бектенов Саран қаласындағы жылу беру маусымына қатысты жағдай үкіметтің бақылауында екенін айтты.
Оқи отырыңыз
