Қостанайда колонияға тыйым салынған заттарды жасырын өткізуге тырысқандардың әрекеті әшкере болды

Қостанай облысы бойынша қылмыстық-атқару жүйесі департаментінің №38 мекемесінде тыйым салынған затты мекемеге жасырын жолмен өткізуге тырысқан, деп хабарлайды Zakon.kz polisia.kz-ке сілтеме жасап.

Сәлемдемелерді тексеру барысында мекеме қызметкерлері мен Ұлттық ұланның әскери қызметшілері сотталған адамға арналған нанның ішіне жасырылған ұялы телефонды анықтап, тәркіледі.

Полиция бұл жағдай сәлемдемелерді мұқият тексеріп, бақылау жүргізудің маңыздылығын көрсететінін нақтылады.