Ел тұрғындары 300 мыңнан астам жарамсыз газ баллондарын пайдаланады
Фото: Zakon.kz
Қазақстанда газ баллондарының жарылу жағдайлары жиілеп кетті. ТЖ министрлігінің бағалауы бойынша елімізде 300 мыңнан астам газбаллон пайдалануға жарамсыз, деп хабарлайды Zakon.kz.
Премьер-министр Олжас Бектенов 2024 жылғы 12 қарашада өткен Үкімет отырысында ТЖ Министрі Шыңғыс Әріновтан газ баллондарының жарылуын болдырмау үшін қандай шаралар қабылданып жатқанын сұрады.
"Біздің есептеуімізше, өткен ғасырдың 70-80 жылдарында шығарылған 300 мыңнан астам жарамсыз газ баллондары бар. Олар өте қауіпті. Баллондарды композиттік материалдардан жасауды қолға алу керек. Егер сіз тапсырма берсеңіз, біз ведомстволық топ құрып, жұмыс істейміз", — деді Шыңғыс Әрінов.
Ол композиттік материалдардан газ баллондарын өндіру әлемдік тәжірибе екенін атап өтті. Мұндай баллондар қауіпсіз. Өндіргеннен кейін тұрғындардан ескі баллондарды алып, кәдеге жарату іске асырылады.
Бұған дейін Павлодарлық құтқарушылардың газ баллонын шығарып, жарылыстың алдын алғандығы хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
