Елордалық құтқарушылар екі кішкентай балаға көмекке келді

Оқиға А-102 көшесі бойындағы көпқабатты үйлердің бірінде болды. Екі бала анасы көршілеріне шығып кеткенде есікті жауып, қайта аша алмай қалған, деп хабарлайды Zakon.kz.

ТЖМ жедел-құтқару жасағының құтқарушылары аспалы құралдардың көмегімен пәтерге кірді.

Балалардың аман-есен екеніне көз жеткізіп, анасына тапсырды.

ТЖМ балаларды қараусыз қалдырмауға кеңес берді.

Бұған дейін Абай облысының құтқарушыларының балаларға көмек қолын созғаны хабарланған болатын.