39 жастағы шымкенттік әйел оныншы перзентін дүниеге әкелді

Шымкенттік ана оныншы перзентін дүниеге әкелді. 39 жастағы келіншек табиғи жолмен босанған, деп хабарлайды Zakon.kz.

Гүлбану Пірімқұлова 6 қараша күні қалалық перзентханаға толғақпен түскен. Қазір ана мен нәрестенің жағдайы жақсы, деп жазды otyrar.kz.

Шымкенттік әйел жұбайымен бірге 3 ұл, 7 қыз тәрбиелеп отыр. Олардың тұңғышы – студент. 

"Бәрі өте күшті өтті. Босануым да өте жеңіл болды. Оныншысын босанып, 5 100 болды, ешқандай қиындықсыз. Дәрігерлерге алғысым шексіз!"Шымкент қаласының тұрғыны Гүлбану Пірімқұлова