Алматылық әйел он төртінші баласын дүниеге әкелді
Сурет: pixabay
Алматыда 44 жастағы әйел он төртінші баласын дүниеге әкелді, деп хабарлайды Zakon.kz.
Almaty.tv таратқан мәліметке сай, алғыс айту күні қарсаңында қалалық перинаталды орталықтан үйіне шыққан Елена Бородюк қазір 7 ұл, 7 қыздың анасы. «Балаларымның бәрін еш қиындықсыз, өзім дүниеге әкелдім» деген ана дәрігерлерге алғысын білдірді.
«Құдайдың бергенін қуана қабылдаймыз, әрине. Сондықтан үлкен отбасы болып отырмыз. Қазір тұңғышымның өзі әке атануға дайындалып жүр. Не болса да, бастысы, басымыз аман болсын!», - дейді қала тұрғыны Елена Бородюк.
«Бәрінің сәтті болғаны қуантады. Уайымдадық, екеуінің де денсаулығына алаңдадық. Он төртінші балам ғой. Құдайдан «Ең бастысы, дені сау бала бер гөр» деп сұрадық», - дейді көпбалалы әке Павел Бородюк.
Мамандардың айтуынша, сәби бойы 55 см, ал салмағы 4 келіден асып дүниеге келген. Қазір ананың да, баланың да денсаулығы бірқалыпты.
«Жоғарғы топтағы қауіп-қатердегі қан кету болғандықтан, бүкіл ұжым болып атсалысып, он төртінші баласын, қыз баласын аман-есен дүниеге алып келді. 4 кг аса қыз бала дүниеге келді», - деді қалалық перинаталдық орталығы бас директорының орынбасары Жәмила Исаева.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
