Петропавлда "синтетика" таратқан күдіктілер ұсталды
Фото: pexels
32 жастағы петропавлдық пен 19 жастағы студент қыз есірткі өткізді деген күдікпен ұсталды, деп хабарлайды Zakon.kz.
Петропавл қаласының 32 жастағы тұрғыны және 19 жастағы студент қыз синтетикалық есірткі таратты деген күдікке ілінді.
Қазан айының басында полицейлер оларды ер адамға тиесілі Mercedes автокөлігінде ұстады. Автокөліктен психотроптық зат салынған 30 түйіншек тәркіленді, тағы 72 түйіншек күдіктілерден өздерінен табылды. Студенттің тұрғылықты жерінен полицейлер 27 грамм есірткі тәркіледі.
Бұдан бөлек, тәртіп сақшылары ер адам жұмыс істеген кеңседе бұрын ішінде ұнтақ тәрізді зат болған бос зип-лок қалташаларын тапты.
Күдіктілерден барлығы 129 грамм мефедрон және α-PvP психотроптық заттары тәркіленді.
"Қолда бар ақпаратқа сәйкес, қылмыстың бастамашысы қыз болғаны анықталды. Қазіргі уақытта күдіктілер күзетпен қамауға алынды. Есірткіні аса ірі мөлшерде өткізу үшін 10 жылдан 15 жылға дейін бас бостандығынан айыру жазасы көзделген", – деп нақтылады СҚО ПД есірткі қылмысына қарсы іс-қимыл басқармасының бастығы Руслан Сапаров.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
