Семейде колонияға телефон кіргізбек болған ер адам ұсталды

Семейде №20 мекемесінде тексеру тобының қызметкерлері тыйым салынған затты, атап айтқанда, телефонды жеткізудің кезекті әрекетін тоқтатты.

Рентген аппаратының көмегімен азық-түлікті тексеру кезінде қызметкерлер "Қазақстан" шоколадының орамына салынған телефонды тапты.

Әңгімелесу кезінде 24 жастағы Семей қаласының тұрғыны өзінің танысына қысқа мерзімді кездесуге келгенін және оның өтініші бойынша телефонды шоколад пакетіне жасырып алып келгенін мойындады.

"Сотталған курьермен таныс екенін және жеткізуді ұйымдастырғанын жоққа шығарды. Қазіргі уақытта "курьерге" қатысты әкімшілік хаттама жасалды", – деп түсіндірді режим бөлімінің бастығы Мейіржан Кунафин.