Көлсай көлдерінде аландарын ерткен қар барысы фототұзаққа түсіп қалды

"Көлсай көлдері" ұлттық паркінде үш есейген аланын ерткен ұрғашы ілбіс фототұзаққа түсіп қалды. Видеоны ұлттық парк әлеуметтік желідегі парақшасында бөлісті, деп хабарлайды Zakon.kz.

Ұлттық парк мұндай үлкен ұрпақ өрбіту ілбіс үшін өте сирек кездеседі, бұл олардың мекендеу ортасының жақсы жағдайда екенін көрсететінін атап өтті.

"Осы сұлу жыртқыштардың әр қадамы – олардың популяциясын сақтау бойынша жасалып жатқан күш-жігердің жемісті екенін білдіреді. Қар барысы қорғауға алынған, бірақ оның популяциясы браконьерлік пен мекен ету аймағының қысқаруына байланысты әлі де осал. Алайда мұндай көріністер ғалымдар мен ұлттық парктердің үйлесімді жұмысы бұл ерекше жыртқыштарды қорғауға көмектесетініне үміт береді", - делінген жазбада.

Посмотреть эту публикацию в Instagram

Публикация от Орман шаруашылығы және жануарлар дүниесі комитеті (@qazaqormany)

Еске салайық, бұған дейін "Алтын-Емел" мемлекеттік ұлттық табиғи паркінің баспасөз қызметі қорық аумағындағы суаттан шөлін қандырған әртүрлі тіршілік иесінің фототұзаққа іліккен видеосын жариялаған еді.