Бүгін еліміздің төрт қаласында ауа сапасы нашарлайтыны болжанады

Синоптиктер бүгін, 2024 жылғы 7 желтоқсанда еліміздің төрт қаласында жайсыз метеорологиялық жағдай қалыптасып, ауа ластанатынын ескертеді, деп хабарлайды Zakon.kz "Қазгидромет" РМК-нің баспасөз қызметіне сілтеме жасап.

"2024 жылғы 7 желтоқсанда ауа ластануының қолайсыз метеорологиялық жағдайлары Алматы, Ақтөбе, Өскемен, Риддер қалаларында күтіледі", делінген хабарламада.

Қолайсыз метеожағдайлар (ҚМЖ) - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тынымық, әлсіз жел, тұман, инверсия) жиынтығы. ҚМЖ пайда болған кезде елдімекендердегі атмосфералық ауа сапасының нашарлауы мүмкін.

Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).

Қолайсыз ауа райы жағдайында мыналарға кеңес беріледі:

• ашық ауада, әсіресе тас жол немесе басқа ластану көздерінің бойында болу уақытын қысқартыңыз;
• балалар мен жүкті әйелдерге ұзақ серуендеуден бас тарту ұсынылады;
• өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде дәрі-дәрмектерді өздерімен бірге алып жүруі керек;
• ашық ауада физикалық белсенділікті шектеңіз. Дене шынықтыру және спортпен шұғылдану жабық спорт кешендерінде жүргізіледі.