Шерзат Полаттың өлімі: Алматы облысының әкімі қазақстандықтарға үндеу жасады

2024 жылғы 13 желтоқсанда Орталық коммуникациялар қызметінде өткен баспасөз мәслихатында Алматы облысының әкімі Марат Сұлтанғазиев Шерзат Полаттың отбасына көңіл айтып, Қазақстан халқына үндеу жолдады, деп хабарлайды Zakon.kz тілшісі.

Жалпы, аймақ басшысы атап өткендей, жағдай бақылауда.

"Құқық қорғау органдары тиісті жұмыстарды атқарып жатыр.Осы орайда халыққа үндеу айтқым келеді: сабырлы болыңыз, құқық қорғау органдары таратқан ақпаратқа назар аударыңыз және сеніңіз.Олар қазір БАҚ арқылы ақпарат беріп, жұмыстарын ашық жүргізіп жатыр", – дейді Марат Сұлтанғазиев.

Бұған дейін Алматы облысының прокуратурасы 16 жастағы Шерзат Полаттың өліміне қатысты мәлімдеме жасаған болатын.