Астана-Қарағанды-Алматы автожолында көлік қозғалысы шектелді

Қарағанды облысында Астана-Қарағанды-Алматы автожолында көлік қозғалысы шектелді, деп хабарлайды Zakon.kz.

Бұл туралы "ҚазАвтоЖол"-дың баспасөз қызметі мәлімдеді.

"2024 жылғы 14 желтоқсанда сағат 17:00-де ауа райының бұзылуына байланысты KAZ01 Астана - Қарағанды - Алматы автожолының 1610-1854-шақырымы аралығындағы Ақсу - Аюлы - Балқаш бағытында жүк және қоғамдық көліктердің қозғалысына шектеу қойылады", - делінген хабарламада.

Жолды 2024 жылғы 15 желтоқсан сағат 08:00-де ашу жоспарланған.

Еске салайық, бұған дейін Қазақстанның басым бөлігінде жаңбыр мен қар жауып, көктайғақ болатынын хабарлаған едік.