Балалар құрастырған Темірбек роботы қазақстандықтарды Тәуелсіздік күнімен құттықтады

Ғаламторда Қазақстан халқына арналған ерекше бейнеқұттықтау пайда болды. Елорданың дарынды мектеп оқушылары жасаған Темірбек роботы ел тұрғындарын құттықтады, деп хабарлайды Zakon.kz.

Астаналық оқушылар құрастырған ақылды робот Темірбек қазақстандықтарды Тәуелсіздік күнімен құттықтады, деп хабарлайды елорда әкімдігінің ресми сайты.

Ақылды робот сөйлей алады, сұрақтарға жауап бере алады.

Айта кетсек, робот Темірбекті Астана қаласының М.Мақатев атындағы №74 мектеп-гимназиясының 7-11 сынып оқушылары ақылды робот құрастырып шығарған болатын.

Оқушылардың айтуынша, олардың оқу үлгерімін жақсартуға өздері құрастырып шығарған робот ерекше мотивация береді. Сондай-ақ өзара байланыс ретінде пайдаланудағы тиімділігі де байқалған.

Бұған дейін желіде еліміздің әр өңірінен келген Төтенше жағдайлар министрлігі қызметкерлерінің қазақстандықтарды Тәуелсіздік күнімен қалай құттықтағаны көрсетілген видео жарияланған болатын. Өрт сөндірушілер, құтқарушылар, кинологтар, дәрігерлер мен ұшқыштар мерекеге арналған қызықты бейнероликтер түсірді.