Жетісу облысында 41 адам қар құрсауында қалып қойды

Жетісу облысында ТЖМ қызметкерлері қар құрсауында қалып қойған 41 адамды құтқарды, деп хабарлайды Zakon.kz.

Төтенше жағдайлар министрлігінің хабарлауынша, бүгін, 17 желтоқсанда Үшарал-Достық автожолының Ырғайты учаскесінде ауа райының нашарлауы мен қалың қардың салдарынан 30 жүк және бір жеңіл көлік қар құрсауында қалып қойған.

Құтқарушылар Вахтовка және жолталғамайтың Трэкол автокөлігімен Көктума ауылына 41 адамды жеткізді. Олар медициналық көмекке мұқтаж болған жоқ.

Құтқарылғандар арасында Беларусь Республикасының 23 азаматы, ҚХР-ның бір азаматы, Әзірбайжан Республикасының үш азаматы және РФ-ның бір азаматы бар.