VIP нөмір алудан алматылықтар көш бастап тұр

Алматыда VIP нөмірлерге деген қызығушылық жоғары. Жыл басынан бері "сәнді" көлік нөмірін 5 039 адам сатып алғанбұл өткен жылдың осы кезеңінде 5 415 нөмірге тапсырыс берілген), деп хабарлайды Zakon.kz.

Бұл туралы 18 желтоқсанда "Азаматтарға арналған үкімет" мемлекеттік корпорациясының филиалында мәлім болды.

VIP нөмірлердің ішінде ең танымал цифрлық комбинациялар 010, 020, 030, 040, 050, 060, 070, 077, 080, 090, 707. Олардың құны 57 АЕК (210 мың теңгеден астам) құрайды. Қымбат 001, 002, 003, 004, 005, 006, 007, 008, 009 және 777, олардың бағасы 285 АЕК (1 миллион теңгеден астам) жетеді.

"Кейбіреулер VIP нөмірлердің құнын "Азаматтарға арналған үкімет" белгілейді деп қателеседі. Дегенмен, мемлекеттік баж мөлшері Қазақстан Республикасының Салық кодексімен реттелетінін және сатудан түскен барлық түсім мемлекет қазынасына түсетінін атап өткім келеді", — деді №1 мамандандырылған халыққа қызмет көрсету орталығының басшысы Әсет Тұрғымбаев.

VIP нөмірлерді арнайы қызмет көрсету орталығы немесе электронды үкімет порталы арқылы сатып алуға болады. Кез келген нөмірді таңдауға болады, бастысы сізге ұнаған нөмірге ешкім алдын ала тапсырыс бермесе болғаны. Алматы қаласында қызмет көрсету мерзімі бес жұмыс күнін құрайды.

"Мен жақында VIP нөмірге тапсырыс бердім, өйткені мен нөмірдің есте сақталуын және жолда ерекшеленуін қаладым. Мұндай санды мұрагерлікпен беруге болады деп естідім", – дейді қала тұрғыны Бағдат Әміров.

Айта кету керек, биыл қала халқына мамандандырылған қызмет көрсету орталығында 863 324 көлік тіркеліп, 116 741 жүргізуші куәлігі берілген.