Алматыда медициналық қызметтердің сапасы қалай артады

Алматы әкімі Ерболат Досаев ОКҚ-да өткен көшпелі брифингте қалада медициналық қызметтердің сапасын арттыру бойынша қабылданып жатқан шаралар туралы айтты.

Мәселен, осы жылдың маусым айында Қазақстанда алғаш рет "Фетальды хирургия" пилоттық жобасы енгізілді. Енді Алматыда жылына 150-ге дейін жатырішілік операция жасауға болады.

2024 жылы 3 753 пациент 9,2 млрд теңге сомасына 45 нозология бойынша орфандық препараттармен қамтамасыз етілді. Айта кетерлігі, бұл бағыттағы қаржыландыру өткен жылмен салыстырғанда 10% — ға өсті.

Соңғы екі жылда жедел медициналық жәрдем автопаркі 37% — ға жаңартылды. 2023 жылы 55 машина, 2024 жылы 48 машина сатып алынды.

Қала басшысы денсаулық сақтау саласындағы таңдалған курстың дұрыстығын а.ж. 11 айының қорытындылары нақты растайтынын атап өтті, ол бойынша ана өлімі 48,2% – ға, нәресте өлімі – 5,4% — ға, қатерлі ісіктерден болатын өлім-16% — ға төмендеді.