Ұлытау облысында жедел жәрдем көлігі қар құрсауында қалып қойды

Ұлытау облысында жедел жәрдем көлігі қар құрсауында қалып қойды, деп хабарлайды Zakon.kz.

Бүгін, 27 желтоқсанда Ұлытау облысының Жезқазған-Есіл-Петропавл республикалық маңызы бар автожолының 154-шақырымында, Ұлытау ауылынан 25 шақырым жерде жедел медициналық жәрдем көлігі қар құрсауында қалды.

Белгілі болғандай, дәрігерлер "Омар" шаруа қожалығынан жолға шыққан.

Құтқарушылар автокөлікті жолдың тазартылған учаскесіне шығарғаннан кейін, олар одан әрі өз бағдарымен жүрді.