Ақтөбе облысында құтқарушылар екі ер адамды қар құрсауынан шығарды

Ақтөбе облысы Байғанин ауданында құтқарушылар екі ер адам қар құрсауынан шығарды, деп хабарлайды Zakon.kz.

Төтенше жағдайлар министрлігінің хабарлауынша, Қарауылкелді ауылынан 20 шақырым жерде ауа-райының нашарлауына және қардың көп түсуіне байланысты жеңіл автокөлік қар үйіндісіне түсті. 

Ішінде 2 адам бар көлікті құтқарушылар арнайы техниканың көмегімен жолдың тазартылған учаскесіне сүйреп шығарып, ауылға дейін жеткізілді.

Оқиға салдарынан ешкім зардап шеккен жоқ.

"ТЖМ дауылды ескертулерге назар аударып, ауа-райы нашарлаған жағдайда елді мекеннен тыс жерге жолға шықпауға кеңес береді!", - деп ескертті ведомство.